Wednesday, December 14, 2005

இங்கிலாந்துப் பிரதாபங்கள்...1

*********************************
முன் குறிப்பு - உங்களில் வெண்டைக்காய் சாப்பிட்டு நியாபகமாய் இருக்கும் புத்திசாலிகள் கண்டுபிடிப்பதற்கு முன்னால் நானே சொல்லிவிடுகிறேன். இந்தப் பதிவு ஒன்றரை ஆண்டுகள் முன்னால்(May 2004) நான் வலைப்பூவில் ஒரு வார ஆசிரியராக இருந்தபோது எழுதியது. கொஞ்சம் திருத்தியிருக்கிறேன். மதியும் காசியும் நான் அங்கே எழுதியதை இங்கே மறுபதிப்பு போட்டதுக்கு ஆட்சேபிக்க மாட்டார்கள் என்ற நம்பிக்கையில் போட்டிருக்கிறேன்(அப்பிடித் தானே :)). Alma மேட்டர் தொடர் அப்பிடியே காற்றில் விட்ட படி இருக்கிறது...நியாபகமிருக்கிறது...ஆனால் கொஞசம் வேலை மென்னியப் பிடிக்கிறது. ரெண்டு நாள் பொறுங்கோ எழுதிவிடுகிறேன்..
*********************************

இங்கிலாந்து என்று சொன்னால் உங்களுக்கு என்ன நியாபகம் வரும்? ஒரு நிமிஷம் கண்ணை மூடி யோசித்துவிட்டுத் தொடருங்கள்.

லண்டன் பிரிட்ஜும், பிக் பென்னும், சிவப்பு ரெட்டை மாடி பஸ்ஸும் நியாபகத்துக்கு வந்தால் நீங்கள் இளம் வயதினர்.

ஷேக்ஸ்பியரும், மாடம் துசாட்ஸ் மெழுகுச்சிலை மியூசியமும், கோகினூர் வைரமும், குட்டைப் பாவாடை வெள்ளைக்காரபெண்களும் நியாபகம் வந்தால் ஒரு வேளை பெண்ணாய் இருக்கக்கூடும்

ஸ்காத்லாந்தும் மதுவும் நியாபகத்துக்கு வந்தால் இங்கு ஒரு முறையாவது வந்து போயிருப்பீர்கள்...

டவர் ஆப் லண்டன், லண்டன் ஐ, மாடம் துசாட்ஸ் மெழுகுச்சிலை மியூசியம் இவை நியாபகத்துக்கு வந்தால் இங்கு வரலாமா என்று யோசித்துக் கொண்டிருக்கும் குடும்பஸ்தராக இருக்கக்கூடும்.

லண்டன் பிரிட்ஜ், பங்கிங்காம் அரண்மனை, டயானா, டைடானிக் கேட் வின்ஸ்லெட் ஆகியோர் நியாபகம் வந்தால்..கல்யாணமானவராக இருக்கக்கூடும்.

டயானாவும், டோனி பிளேரும், பழ்ங்கால இங்கிலாந்து உடையில் உள்ள பெண்களும் நியாபகத்துக்கு வந்தால் நீங்கள் கல்யாணமாகாத பிரம்மச்சாரியாக இருக்கலாம்,

பெக்காம், மீரா சாயல் லிஸ்டில் இருந்தால் நீங்கள் ஜொள்ளுகின்ற பெண்ணாய் இருக்கலாம் ;)

லார்ட்ஸ் கிரிக்கெட் மைதானம், அழகான வெள்ளைக் கார குட்டிகள், ஸ்காட்லாந் மது, சமீபத்திய குண்டு வெடிப்பு ஆகியவை நியாபகத்துக்கு வந்தால் நீங்கள் கல்யாணமான ஆணாக இருக்கக் கூடும்.

மேற்சொன்ன எதுவுமே இல்லாவிட்டால் நீங்கள் எழுத்தாளராகவோ பிஸினெஸ்மேனாகவோ இருக்கலாம். :)

இதெல்லாம் இல்லாமல் ஸ்காத்லாந்து யார்ட் போலீஸ் மட்டும் நியாபகத்துக்கு வந்தால்...அட போங்கய்யா...பேசாம வீட்டுல இழுத்துப் போர்த்திண்டு தாச்சிக்கலாம்.

(ஜோஸ்சியம் பலித்ததென்றால் சொல்லுங்கள்...இங்கே ஒரு கடையைத் தொறந்துவிடுகிறேன் :P)

மேற்சொன்ன அத்தனை விஷயங்களைப் பற்றியும் திகட்ட திகட்ட கேட்டிருப்பீர்கள். அதனால் அதையெல்லாம் விட்டுவிட்டு சும்மா உப்பு பெறாத சில விஷயங்களை சொலட்டுமா?

இங்கிலாந்து வந்து அலுவலகத்தில் சேர்ந்த புதிதில் அப்போது தான் அறிமுகமான இரண்டு பேர் நான் இருக்கும் அறையில் பேசிக் கொண்டிருந்தார்கள்

"நேத்திக்கு 13 போச்சு...தெரியுமா?"

"அப்பிடியா நாளக்கு 10 தான் போகுமென்று சொன்னார்கள்"

"இன்று காலை 10 மணி வரை 7 தான் இருந்தது. 1 மணிக்கு எப்பிடித்தான் 15க்குப் போகுமோ தெரியவில்லை"

என்னத்தப் பத்தி இப்பிடி பேதி மாத்திரை சாப்பிட்ட மாதிரி பேசறாங்க...ஒரு வேளை பங்குச் சந்தை பற்றி இருக்குமோ என்று எனக்கு நானே நினைத்துக் கொண்டேன். இன்னும் கொஞ்ச நேரம் கவனித்த பிறகு தான் புரிந்தது.

"வாரக்கடைசியில் மழை பெய்யுமென்று சொல்கிறார்கள்...பாழாய்ப்போன மழை.."

அடப்பாவிங்களா வானிலையைப் பற்றியா இப்படி ஒரு மணி நேரமா பேசிக்கொண்டிருக்கிறீர்கள். நம்மூரில் தான் பேசுவதற்கு ஒன்றுமில்லையென்றால் "இங்கு வெய்யிலடிக்கிறது அங்கு வெய்யிலடிக்கிறதோ" என்று சும்மானச்சுக்கும் கலாசுவார்கள் . இதெல்லாம் இங்கு முக்கியமான விஷயம். வானிலையைப் பற்றிப் பேச யாரையும் தெரிந்திருக்க வேண்டிய அவசியமே இல்லை. "இன்னிக்கு மழை பெய்யும்ன்னு சொன்னானா?"என்று அழகான வெள்ளகாரக் குட்டிலேர்ந்து பாட்டி வரை யாரிடம் வேண்டுமானாலும் கடலை போடலாம். கொஞ்சம் பைத்தியக்காரத்தனமாக இருந்தாலும் இங்கே வானிலையும் அப்பிடித்தான் இருக்கிறது. குளிர் அந்தந்த காலங்களுக்கேற்ப இருந்தாலும் எப்ப மழை பெய்யுமென்று சொல்லவே முடியாது. வெகு சில நாட்களே காலங்களுக்கேற்ப ஊகிக்க முடியும். மத்த நாளெல்லாம் இவங்க சொல்லற மாதிரி "ப்ளடி பிரிட்டிஷ் வெதர்" தான். ஒரு நாள் இப்பிடி தான் முந்தின நாள் குளிரியதே என்று தடியான கோட்டைப் போட்டுக் கொண்டுபோக...அன்றைக்கு ரம்மியமாக இருந்தது. நான் கோட்டுகுள்ளே போட்டுக்கொண்டிருந்த சட்டைக்குள்ளே போட்டுக்கொண்டிருந்த பனியனில் மட்டும் நாலு குட்டிகள் மொத்தமாய் டிரஸ் தைத்துப் போட்டுக்கொண்டு நடந்து கொண்டிருந்தார்கள். எனக்குத்தான் அவ்வளவு ஆடைகளையும் போட்டுக் கொண்டு நடக்க வெட்கமாக இருந்தது. இப்பெல்லாம் நாங்களும் வெள்ளக்காரன் மாதிரி வானிலை பற்றி அடிக்கடி பேசுகிறோம்.

ஒருமுறை ரோமன் முறைப்படி எழுத்துக்கள் கொண்டிருந்த ஒரு கடிகாரத்தைப் பற்றி ஒரு நண்பர் சுவாரசியமான தகவல் சொன்னார். ரோமன் முறைப்படி நாலு என்பதை "IV" என்று தான் போடவேண்டும். ஆனால் இங்கிலாந்தில் மட்டும் ஒரு காலத்தில் "IIII" என்று போட்டுக்கொண்டிருந்தார்களாம். காரணம் என்னவென்றால்..ஒரு ராஜா ஒருமுறை ஸ்பெஷலாக கடிகாரம் செய்யச் சொன்னாராம். கடிகாரம் செய்தவன் கரெக்டாக "IV" என்று போட்டுக் கொண்டுவந்து காமித்தானாம். இந்த ராசா பள்ளிக்கூடத்தில் படிக்காமல் கழுதை மேய்த்திருப்பார் போல...நாலு "IIII" இப்பிடித்தான் போடனும் என்று திருத்தச் சொன்னாராம். அவனும் ராசா சொல்லறார் நமக்கேன் வம்பு என்று அப்பிடியே போட்டுக் கொண்டுவந்தானாம். இதைப் பார்த்து மற்ற எல்லோரும் பயந்து போய் அப்பிடியே போட ஆரம்பித்தார்களாம். இப்பிடியாக எல்லாம் தெரிந்த ராசா ஏதோ விட்ட கதையாக...தப்பாய் போட்டதையும் தலையில் வைத்துக்கொண்டு கொண்டாடுகிறார்கள். இப்போது பன்னாட்டுச் சந்தையிலிருந்து பொருட்கள் வருவதால் எல்லா கடிகாரங்களும் இப்பிடி வருவதில்லை ஒரு சில ஸ்பெஷல் கடிகாரங்கள் மட்டும் இப்பிடி என்று நண்பன் சொன்னான்.

என்ன இருந்தாலும் பழமைகளைப் போற்றிப் பாதுகாப்பதில் இவர்களுக்கு நிகர் இவர்கள் தான். கட்டடம் கட்டுவதில் ஆதியிலிருந்து மிகவும் திறமைவாய்ந்தவர்களாக இருந்திருக்கிறார்கள். 1700/1800-களில் கட்டிய கோட்டைகள் துளியும் சேதமில்லாமல் இன்றும் கம்பீரமாய் நின்று கொண்டிருக்கின்றன. சமீபத்தில் 1750-ல்கட்டிய வீடு ஒன்று விலைக்கு வந்ததையும் டி.வியில் பார்த்தேன். 1750ல் கட்டப்பட்டது என்பதற்காக விலையில் சகாயமெல்லாம் இல்லை. எங்க வீடு 1900- 1940-ல் கட்டப் பட்ட வீடு.ஆனா இந்த விஷயத்த ஊர்ல சொல்ல...சொன்னா "நீதான்டா ஒரிஜினல் டுபுக்குன்னு" பாராட்டுவாங்களேன்னு தான். வீட்டில் சுவற்றில் இன்றும் ஆணியடிக்க திணறத்தான் வேண்டி இருக்கு. ராணி விக்டோரியா காலத்தில் கட்டிடங்களுக்கு இன்றும் மிக்க மதிப்பு இருக்கிறது(எங்க வீடும் விக்டோரியன் பில்டிங்). விக்டோரியாவோ கிக்டோரியாவோ...ஆணியடித்து தேதி பார்க்கும் காலண்டர் ஜோராய் மாட்டாவிட்டால் கை நமநம என்று அரிக்கிறது.
- அடுத்த பதிவில் இ.பிரதாபங்கள் முடியும்

8 comments:

Anonymous said...

nice account
especially about that clock something new I am hearing for the first time

TJ said...

London la irukkumbodhu, vera country makkaloda Conf pannina, modhal 10 nimisham london weather vilyattu vilayaduvom. Appuram Premiership ratings vilayattu, appuram BigB [:P], kadaseela oru anju nimishathukku conference velai.
Weekend is from wednesday evening to wednesday morning nu solluvaanga :P

Btw, sandhadi sakkula, velai menniya pidikkardhunu bit pottu pakkareenga!! Indha arasiyal ellam namakku... :D

[ 'b u s p a s s' ] said...

vera onnu kelvi pattaen..
"TV license fee", appadeena ?

Usha said...

The british and the weather reminds me of George MIkes' "How to be an alien" - adeppadithaan vidaama weather pathi pesaraangalo. Namma Tamizhnaatule Arasiyal pesara maadiri.
Sollunga swarasyama irukku Raja sonnanna muyalukku moonu kaalnu othupaanga polirukku.
Yes, England na enakku modaale nyabagam varadu avanga segappu buildings daan - namma oorulaye avanga kattinadellam innum enna azhaga irukku.

Paavai said...

online personality test madiri irukku unga alasal - ellame nyabagam varudunu sollapporen.

Dubukku said...

anonymous - thanks. yeah that was a news to me as well.

Tj - conf. callyuma ...romba too much ya ithu. "Velai menniya pidikarathu" bit illaya rendu nallave unmaiyiliye konjam velai kuduthitanga adhan retelecast panni ottikittu irukken

buspass - atha yen kekareenga. Adhu oru kodumai. Namma oorla romba varusham munnadi irundhathu...you have to pay a amount towards tv license. Varushathukku £125 currently. TV vechirundha kaati aahanum illana pidichangana £1000 fine.

Usha - Yes Civil engineering is a marvel here. They certainly have got some experise in that. Underground stations laam 100 year old but innum stronga appidiye irukkuna parungalen...

Paavai - he he josiyam balichutha? summa thoninatha thaan ezhuthi irukken...no credibility behind the predictions.

Kumar Srinivasan said...

""TV License fee", appadeena?" ...Ayya [b u s p a s s] enya ketkamate.

Engala maarhiti UK lla irukavanellam illichavaayanugha. Katula Pugai varra itha listai parum theriyum

1. TV License (£114.00) which increases by around £8-£10 each year

2. Council Tax (£800-1400) based on where you live and what type of house you live, again this increases each year. Ethula vedikkai ennana ovvoru varuchamum Council Tax evvalau ethanumnu mammalaiye keppanungha. eppanina... 4% ethalama, 5% ethalama, illa 9% ethalama. neegala paathu soullungannu choice koduppanugha.

Jeevan said...

For me when in think about England the first one remember me is London Bridge is falling down, rhymes, Prince Charles and his younger son Harry and his girl friend, Elizabeth Rani going in his car ( I remember actor Vadivalu dialog Elizabethu Raniammma) and Double Decker bus and candle museum.

In Chennai when the weather reporters had said right? When they tell rain will come today, that day the sun will shine.

Namma raja kaal paravaillainu nanaikeraan, avangalavathu gurugulam pooi padichanga.

Nice Information u has given about weather and clock, in England.

Post a Comment

Related Posts