Monday, May 22, 2006

ஓ பார்ட்டி நல்ல பார்ட்டிதான்...














ஹப்பா....பார்ட்டி மிக நன்றாக கழிந்த்து. இந்தப் பார்ட்டியின் ஹைலைட்டே என்னைப் பொறுத்தவரையில் சாப்பாடு தான். அல்வா, சப்பாத்தி, குருமா,தால், சாம்பார், ரசம், கோவைக்காய் கறி, அவியல், எண்ணைக் கத்தரிக்காய் குழம்பு, அப்பளம், ஊறுகாய், பச்சை மிளாகாய் கறிவேப்பிலை பெருங்காயம் போட்டு தரமான மோர். திருநெல்வேலிக் காரன் என்ற முறையில் அல்வா எப்படியிருக்குமோ என்று கவலையாய் இருந்தது. தூள் கிளப்பியிருந்தார்கள்.

இனிமேல் பார்ட்டி நடத்த வேண்டுமானால் எந்த பொறுப்பை முக்கியமாக ஏற்றுக் கொள்ளவேண்டும் என்று நன்றாகத் தெரிந்துவிட்டது. இந்த முறை பைசாவை சேமிக்க வேண்டும் என்று சாப்பாட்டை எனது காரிலேயே பிக்கப் செய்து கொண்டு வருவதாக ஏற்பாடு. வீட்டில் இருக்கும் அரை டிக்கட், கால்ரைக்கா டிக்கட் மற்றும் முக்கியமான டிக்கடோடு எக்ஸ்ட்ரா டிக்கெட்டாக நண்பர் பழனியப்பன் எல்லோரையும் ஏற்றிக் கொண்டு சப்பாட்டையெல்லாம் கார் பூட்டிலும்(டிக்கி) பழனியப்பன் மடியிலும் போட்டு கிளம்பினால் மோட்டர்வேயில் ட்ராபிக் ஜாம். ம்ஹூம்...கவலையே படலையே...பார்ட்டி மதியம் ஆரம்பிப்பதால் முதலில் சாப்பாடு தான். சாப்பாடு இங்கே இருப்பதால் நாம் போனால் தான் பார்ட்டி ஆரம்பிப்பார்கள் என்று தெளிவாகத் தெரிந்ததால் நிதானமாக "நெஞ்சமுண்டு நேர்மையுண்டு ஓடு ராஜா" பாட்டு பாடிக்கொண்டு போனோம். ரொம்ப முடியாவிட்டால் "நாங்கள் பார்ட்டி இடத்தை மாற்றி விட்டோம் நீங்கள் எல்லோரும் இங்கே வாருங்கள் என்று சொல்லக் கூடிய தைரியமும் கார் பூட்டில்(டிக்கியில்) இருந்தது. நல்லவேளை பழனியப்பன் கேட்ட மாதிரி வடை பெட்டியை அவர் கையில் குடுக்காததால் வடைக்கு எந்த சேதமுமில்லாமல் 15 நிமிஷம் லேட்டாக முதல் பத்து பேருக்குள் வந்து சேர்ந்துவிட்டோம்.

ஒருவழியாக எல்லோரும் வந்து சேர்ந்து சாப்பாடு முடிந்து 12 மணிக்கு ஆரம்பிக்கவேண்டிய பார்ட்டியை இந்திய வழக்கப் படி கரெக்ட்டாக 2:30க்கு ஆரம்பித்துவிட்டோம். முதலில் ஸ்லோகம் என்று எல்லோரையும் எழுந்து நிற்கச் சொல்லி எல்லோரும் பக்திப் பழமாக..ஆவலோடு எதிர்பார்த்துக் கொண்டிருக்க "வாள மீனுக்கும் வெலாங்கு மீனுக்கும் கல்யாணம் " என்று கானா உலகநாதனின் ஸ்லோகததைப் போட்டுக் கலாச...என்னை ஆள் வைத்து அடிக்க சதி தீட்ட ஆரம்பித்து விட்டார்கள். அப்புறம் உணமையான ஸ்லோகம் பாடச் சொல்லி வழக்கமான விளையாட்டுப் போட்டிகளை ஆரம்பித்தோம். உற்சாகம் வழக்கம் போல் கரைபுரண்டு ஓடியது. மிஸ்டர் யு.கே.மக்கள் போட்டியில் நம்ம பாலாஜி வெற்றி பெற்றார். கிரீடத்தை வைத்துக் கொண்டு மனுஷன் செய்த ஆண்கள் மற்றும் பெண்கள் கேட்வாக் கலாசல் ரகம். கடைசியில் நாலுகாலில் ஒரிஜினல் கேட் மாதிரி நடந்து அவர் வீட்டம்மணியைப் பார்த்து ஒரு சலாம் போட்டார் பாருங்கள் காணக் கண் கோடி வேண்டும்.

சிறுவர் சிறுமியர்கள் மேடைகளில் தத்தம் திறமையைக் காட்ட, சில குழந்தைகள் மைக்கைப் பார்த்ததும் பயந்து அம்மா புடவைக்குள் போய் ஒளிந்து கொண்டது...கவித்துவமாக கொள்ளை அழகாகயிருந்தது.

பாட்டுக்குப் பாட்டு, மற்றும் பாட்டு க்விஸ்களுக்கு நடத்திக் கொண்டிருக்கும் போதே மணி ஐந்தாகிவிட திரும்பவும் பசியாற சென்றோம். சமையல் போட்டியில் வடை, குலாப் ஜாமூன், முறுக்கு, சுகியம், தட்டை, வீட்டில் செய்த பிஸ்கெட்டுகள், ஓலை பக்கோடா, சிக்கன் பக்கோடா, ராஜ்மா சுண்டல், மசாலா அவல் என்று கலக்கி விட்டார்கள். "சோறே சொர்கம்" என்று எனக்கு ஞானம் பிறந்தது இந்தப் பார்ட்டியில் தான். எங்கவூட்டு அம்மணி செய்த குலோப் ஜாமூன் அதிக வாக்குகளைப் பெற்று வென்றது என்பதை நான் இங்கு எழுதாவிட்டால் என்ன நடக்கும் என்பது கல்யாணமான ஆண்களுக்குத் தெரியும்.

திரும்ப வந்து "டம்ப் சேரட்ஸ்" மற்ற்ம் "ஹவுஸி" போட்டிகளை நடத்தி பார்ட்டியை இனிதே நிறைவு செய்தோம். நேரமின்மை மற்றும் டெக்னிகல் பிரச்சனைகளால் குத்தாட்டத்தை ரொம்ப விமரிசையாக நடத்த முடியவில்லை ஆனாலும் மக்கள் குத்தில் செம கிளப்பு கிளப்பிவிட்டார்கள். போட்டியில்லாத இடத்தில் திறமையைக் காட்டக் கூடாதென்று என்னுடைய சலங்கை ஒலி ஆட்டத்தை அடுத்த பார்டிக்கு இருக்கட்டும் என்று ஒத்தி வைத்துவிட்டேன். விழா ஏற்பாடுகளை பிரேமலதா பாலன் தம்பதியினர் மிகச் சிறப்பாகச் செய்திருந்தார்கள்.

பிரேமலதா, அம்மணி, மும்பை கேர்ல், பாலாஜி, தாதோஜி,எஸ்.எல்.என் என்று ப்ளாக் உலக கூட்டமும் வந்திருந்தது. அம்மணியிடமிருந்து கூடிய சீக்கிரம் ஒரு Quick Tale வந்தாலும் வரலாம் :)

யூ.கே.மக்கள் குழுமத்தில் அடுத்த முறை எங்காவது வெளியூருக்கு போய் கேம்ப் போட வேண்டும் என்று சொல்லிக் கொண்டிருக்கிறோம். வர்றீங்களா?


பின்குறிப்பு - தேன்கூட்டில் "தேர்தல் 2060"க்கு வாக்குப் பதிவு ஆரம்பித்துவிட்டார்கள். படித்துப் பார்த்து உங்களுக்குப் பிடித்த ஆக்கத்திற்கு வோட்டக் குத்தி கவுத்துங்கப்பூ

13 comments:

Anonymous said...

more pics plzzz
bt

Unknown said...

Unga fashion sense pathi erkanave therinjurudha dhaale we didn't expect you to win the contest there :) Thangamaniyoda selai looks nice, can we have more photos please

Jeevan said...

dubukku sapadu ella palama irukku, ennaku oru gulabjamun kuda kudukalaiya, ithu neyayama? intha vatte escape aietinga, athutha partylaiyavathu Oru kuttu podunga:)

Jeevan said...

Dubukku Which Software are u using to Write Tamil Blogs, konjam solungalan or give tell where to download?

SLN said...

Well writen report. Blogger list-la enna maranthutteengaley :(

More photos please enru sollum athey neraththil, enadhu paranoid manam, please be careful when posting personal pictures in the Internet enrum solgirathu

Cheers
SLN

Scott Fish said...
This comment has been removed by a blog administrator.
Dadoji said...

Would have loved to read this report but I cannot read tamil.
:-(

ammani said...

Dubukku, kalakkiteenga. You've played down the efforts you and your family had put in. We enjoyed ourselves thoroughly. Thanks for the photos. Saapadu, pramaadam.

Prabhu said...

Dubukku,
Vaala meenukum idea sooper, me LOL :)
And cat walk panni avanga veetu ammani ku salaam pottadhu - samma sirippu, manushar kalaaasittaar :)

Anonymous said...

Looks like everyone had a wonderful time. I would also have had good time, if I had come:(

Anyway, enjoyed reading your wonderful report. Congrats.

Please tell me that the next party is earlier in June. Please..........

Awaiting for your post about the next get together.

நெல்லைக் கிறுக்கன் said...

டுபுக்கு அண்ணாச்சி,
அப்டியே நம்ம நெல்லைக் கிறுக்கன படிச்சிட்டு உங்க கருத்த சொன்னீருன்னா சந்தோசப் படுவேன். ஏதாவது குறைபாடு இருந்தா உம்ம மோதிரக் கையால குட்டும்ய்யா, வாங்கிக்கிடுதேன்.

Dubukku said...

bt - very sorry video eduthathula photos romba edukka miss panniton. Morever was compering busily and hence missed snaps.


WA_ aaaargh Witch I was compering and co-organising the event. I didn't participate

Jeevan- hehe parcel anuppi vecha ungalukku kidakum pothu gabbu adikkum. Chennaila kidaikatha gulab jamoona...vayatherichala kilapatheenga thala

for tamil converter use http://www.jaffnalibrary.com/tools/Unicode.htm

thats what I use. Its very easy. for appa you will have to type appaa (trial and error you will learn soon)

SLN - sorry miss pannitenI have updated your name. Many thanks on the other bit for your concern. Will take that offline in email.

Dadoji - Sorry dude, my english is pathetic :(

Ammani - danks. Glad that you enjoyed. All UKMakkal previous parties were equally fun. Dont miss them from now on :)

Prabhu - hehe makkal konjam kadupa ahitanga :) Yes Balaji kalasittar

Injey - hehe you missed :) there is always a next time

நெல்லைகிறுக்கன் - அண்ணாச்சி நீங்க நம்மூர்காரரு வராம இருப்பேனா? இதோ வரேன்...அதுக்காக மோதிரக்கைன்னுலாம் காமெடி பண்ணாதீங்க :)

Balaji S Rajan said...

Dubukku,

Super coverage about the party. I had a doubt whether you guys had a plan to pull my leg by crowning me. Athu Yellam thevaiya... Your anchoring was good and thanks for the good food. As you said, good food was the highlight of the party. Next time, let us have 'Maaru Veda Potti'. LOL you should participate.

Post a Comment

Related Posts